مشكلة فتاة تحب شاب ولكن اخوها يرفض ارتباطها

بواسطة | يناير 10, 2015
3087 مشاهدة | 0 التعليقات
مشكلة فتاة تحب شاب ولكن اخوها يرفض ارتباطها

مشكلة فتاة تحب شاب ولكن اخوها يرفض ارتباطها

انا طالبة جامعية اتوفى والدى وانا صغيرة واعيش انا وامى مع اخى الذى هو من ابى فقط اتقى الله فى كل ما افعله الحمد لله لكن من حوالى اربع سنوات حدث شىء لم اكن اتوقعه هو ان احضر فرح احد اقرباء امى من بعيد وهناك شوفت شاب بيكون اخو العريس وبيعتبر اصغر واحد فيهم المهم الشاب دة انا عرفت بعد كدة انو بيحبنى من زمان اوى من غير ما يقول لحد اى حاجة ولا حتى انا لحد ما جه فرح اخوه المهم كلم زوجة خالى اللى هى بنت عمته وقالتله ان انا مش بتخبى اى حاجة عن ماما قالها انا معنديش اى مشكلة واتكلمنا على تليفون زوجة خالى واتكلم مع والدتى وكدة وخلاص وهو كان بيحضر ورقه علشان مسافر المهم سافر ورجع واخدنا على بعض اوى وحبينا بعض اوى لدرجة ان كانت بنت خالته بتحبه ومش عايزين منه اى حاجة ولا شقة ولا مهر ولا اى حاجة بس هو رفض دة وعمل مشكلة مع والده ووالدته بسببى بس الحمد لله هم دلوقتى اقتنعوا بيه اوى مع العلم انهم كانوا رافضين علشان تكاليف الزواج وكدة المهم انا اخويا مش موافق لان الشاب دة بيقل عنى فى المستوى التعليمى لان هو دبلوم بس الموضوع دة مش ماثر خالص بالعكس دة بيشجعنى على المذاكرة انا مش عارفة اعمل ايه اخويا نظرته ماديه اوى وكلنا عارفين كدة ووالدتى موافقة علي الشاب دة جدا لانه هو بجد انسان محترم جدا وملتزم وقريب اوى من ربنا فأنا مش عارفة اعمل ايه انا اسفة انى طولت عليكوا بس ياريت تساعدونى بجد وشكرا جزيلا ليكم

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *